પ્રધાનમંત્રી નરેન્દ્ર મોદીએ ઓડિશામાં 60 હજાર કરોડ રૂપિયાથી વધુની અનેક પરિયોજનાનું ઉદ્ઘાટન અને શિલાન્યાસ કર્યો

પ્રધાનમંત્રી નરેન્દ્ર મોદીએ ઓડિશાના ઝારસુગુડામાં 60 હજાર કરોડ રૂપિયાથી વધુની અનેક પરિયોજનાનું ઉદ્ઘાટન અને શિલાન્યાસ કર્યો. આ પરિયોજનામાં ટેલિકોમ્યુનિકેશન, રેલ્વે, ઉચ્ચ શિક્ષણ, આરોગ્યસંભાળ, કૌશલ્ય વિકાસ અને ગ્રામીણ આવાસ સહિત વિવિધ ક્ષેત્રોને આવરી લે છે. મોદીએ ગુજરાતના સુરતમાં ઉધના અને ઓડિશાના બહરામપુર વચ્ચે અમૃત ભારત એક્સપ્રેસને વર્ચ્યુઅલી લીલી ઝંડી પણ આપી હતી. આ પ્રસંગે રેલ્વે મંત્રી અશ્વિની વૈષ્ણવ અને જળ શક્તિ મંત્રી સી.આર. પાટીલ ઉધના રેલ્વે સ્ટેશન પર હાજર હતા. આ ટ્રેન ઓડિશા, આંધ્રપ્રદેશ, છત્તીસગઢ, મહારાષ્ટ્ર અને ગુજરાત સહિત અનેક રાજ્યોને જોડશે. આ પ્રસંગે બોલતા, પ્રધાનમંત્રીએ ઓડિશા અને ગુજરાત વચ્ચે જોડાણના મહત્વ પર ભાર મૂક્યો.

જાહેર સભાને સંબોધતા પ્રધાનમંત્રીએ કહ્યું કે ડબલ એન્જિન સરકાર હેઠળ ઓડિશા ઝડપથી પ્રગતિ કરી રહ્યું છે. પ્રધાનમંત્રીએ કહ્યું કે કેન્દ્ર સરકારે તાજેતરમાં રાજ્યમાં બે સેમિકન્ડક્ટર યુનિટને મંજૂરી આપી છે. મોદીએ કહ્યું કે 2017 માં ગુડ્સ એન્ડ સર્વિસ ટેક્સ (GST) લાગુ થયા પછી, કરનો બોજ નોંધપાત્ર રીતે ઓછો થયો છે, જેનાથી નાગરિકો પર નાણાકીય દબાણ ઓછું થયું છે.

પ્રધાનમંત્રીએ BSNL દ્વારા સ્થાપિત 97 હજાર પાંચથી વધુ નવા સ્વદેશી 4G મોબાઇલ ટાવરનું પણ ઉદ્ઘાટન કર્યું. પ્રધાનમંત્રીએ બરહમપુર MKCG મેડિકલ કોલેજ અને બુર્લા-સંબલપુરમાં VIMSAR ને વિશ્વ કક્ષાની સુપર-સ્પેશિયાલિટી હોસ્પિટલોમાં અપગ્રેડ કરવાની યોજનાની પણ જાહેરાત કરી.