ઉત્તરાખંડના ધારલીમાં અવકાશી આફતઃ વાદળ ફાટતા સર્જાઈ તબાહી, ચાર વ્યક્તિના મોત અને અનેક લોકો બન્યાં બેઘર
ઉત્તરાખંડના ઉત્તરકાશી જિલ્લાના ધારાલી ગામમાં વાદળ ફાટવાની ઘટના પ્રધાનમંત્રી નરેન્દ્ર મોદી અને કેન્દ્રીય ગૃહમંત્રી અમિત શાહે પર દુઃખ વ્યક્ત કર્યું છે. તેમણે આ દુર્ઘટનામાં જાનમાલના નુકસાન પર શોક વ્યક્ત કર્યો છે અને અસરગ્રસ્ત પરિવારો પ્રત્યે સંવેદના વ્યક્ત કરી છે.
ઉત્તરકાશી જિલ્લાના ધારાલી ગામમાં ખીર ગંગા નદીના કેચમેન્ટ વિસ્તારમાં વાદળ ફાટવાથી ભારે વિનાશ થયો હતો. આ ભયાનક દુર્ઘટનામાં અત્યાર સુધીમાં 4 લોકોના મોતની પુષ્ટિ થઈ છે, જ્યારે લગભગ 50 લોકો ગુમ થયાના અહેવાલ છે. વાદળ ફાટવાના કારણે, ગામમાં અચાનક ભૂસ્ખલન થયું અને જોરદાર પૂર આવ્યું, જેના કારણે ઘણા ઘરો તણાઈ ગયા. સોશિયલ મીડિયા પર વાયરલ થયેલા વીડિયોમાં જોઈ શકાય છે કે પર્વતો પરથી પાણીનો એક પ્રચંડ પ્રવાહ ગામ તરફ ઝડપથી વહી રહ્યો છે અને લોકો ગભરાટમાં ચીસો પાડી રહ્યા છે.
પીએમ મોદીએ સીએમ ધામી સાથે વાત કરી
પીએમ મોદીએ ધારાલી અકસ્માત અંગે ઉત્તરાખંડના સીએમ પુષ્કર સિંહ ધામી સાથે વાત કરી છે. તેમણે X પર લખ્યું છે કે- ઉત્તરકાશીના ધારાલીમાં આ દુર્ઘટનાથી પ્રભાવિત લોકો પ્રત્યે હું સંવેદના વ્યક્ત કરું છું. મેં મુખ્યમંત્રી પુષ્કર ધામીજી સાથે વાત કરી છે અને પરિસ્થિતિ વિશે માહિતી મેળવી છે. રાજ્ય સરકારની દેખરેખ હેઠળ રાહત અને બચાવ ટીમો શક્ય તેટલા પ્રયાસો કરી રહી છે.
ગૃહમંત્રી અમિત શાહે તાત્કાલિક કાર્યવાહીના આદેશ આપ્યા
આ આપત્તિને ગંભીર ગણીને, કેન્દ્રીય ગૃહમંત્રી અમિત શાહે સીએમ પુષ્કર સિંહ ધામી સાથે ફોન પર વાત કરી. આ પછી, શાહે ‘X’ પર માહિતી શેર કરતા કહ્યું, “ધારાલી (ઉત્તરકાશી) માં અચાનક આવેલા પૂર અંગે ઉત્તરાખંડના મુખ્યમંત્રી સાથે વાત કરી અને ઘટના વિશે પૂછપરછ કરી.” નજીકમાં તૈનાત ત્રણ ITBP ટીમો ઘટનાસ્થળે મોકલવામાં આવી છે અને તાત્કાલિક રાહત કાર્ય માટે NDRFની ચાર ટીમો પણ રવાના કરવામાં આવી છે.
પોલીસે લોકોને સાવધાની રાખવા અપીલ કરી
ઉત્તરકાશી પોલીસે વિનાશની તસવીરો શેર કરી છે અને લોકોને સાવધ રહેવાની અપીલ કરી છે. પોલીસે કહ્યું, “આ ઘટનાને ધ્યાનમાં રાખીને, બધા લોકો, ખાસ કરીને બાળકો અને પ્રાણીઓએ નદીથી સુરક્ષિત અંતર જાળવવું જોઈએ.” રાહત અને બચાવ કાર્ય ઝડપથી ચાલી રહ્યું છે. પ્રધાનમંત્રી નરેન્દ્ર મોદી અને ગૃહમંત્રી અમિત શાહે પણ પરિસ્થિતિ પર નજર રાખી છે અને અસરગ્રસ્ત લોકોને ઝડપી મદદ પૂરી પાડવા સૂચનાઓ આપી છે. વહીવટીતંત્રના જણાવ્યા અનુસાર, NDRF અને રાજ્ય આપત્તિ પ્રતિભાવ દળની ટીમો સ્થળ પર તૈનાત છે.
