Homeગુજરાતીહરિયાણા ચૂંટણી: કોંગ્રેસે ઉમેદવારોના નામોની વધુ યાદી જાહેર કરી

હરિયાણા ચૂંટણી: કોંગ્રેસે ઉમેદવારોના નામોની વધુ યાદી જાહેર કરી

  • અત્યાર સુધીમાં 86 ઉમેદવારોના નામ જાહેર કર્યાં
  • ચાર ઉમેદવારોના નામ હજુ જાહેર નથી કરાયાં
  • કોંગ્રેસ અને આમ આદમી પાર્ટી વચ્ચે નથી થયું ગઠબંધન

નવી દિલ્હીઃ કોંગ્રેસે ગુરુવારે હરિયાણા વિધાનસભા ચૂંટણી માટે પાંચ ઉમેદવારોના નામોની ચોથી યાદી બહાર પાડી હતી, જેની સાથે કુલ ઘોષિત ઉમેદવારોની સંખ્યા વધીને 86 થઈ ગઈ છે. કોંગ્રેસે અંબાલા કેન્ટથી પરિમલ પરી, પાણીપત ગ્રામીણથી સચિન કુંડુ, નરવાના (આરક્ષિત) સતબીર ડબલેન, રાનિયાથી સર્વ મિત્ર કંબોજ અને તિગાંવથી રોહિત નાગરને મેદાનમાં ઉતાર્યા છે.

ઉમેદવારોના નામોની આ યાદી પાર્ટીએ 40 ઉમેદવારોના નામ ધરાવતી ત્રીજી યાદી જાહેર કર્યાના થોડા કલાકો બાદ જ જાહેર કરાઈ છે. કોંગ્રેસે ચાર બેઠકો માટે ઉમેદવારોના નામ જાહેર કર્યા નથી, જેના કારણે તે બેઠકો પર છેલ્લી ઘડીની ગોઠવણની શક્યતા અંગે અટકળો ચાલી રહી છે.

છેલ્લા કેટલાક દિવસોથી કોંગ્રેસ અને આમ આદમી પાર્ટી (AAP) વચ્ચે ગઠબંધનની અટકળો ચાલી રહી હતી, જોકે અરવિંદ કેજરીવાલની પાર્ટીએ અત્યાર સુધીમાં 70 ઉમેદવારોની જાહેરાત કરી છે. જોકે, કોંગ્રેસ નેતૃત્વ દ્વારા AAP સાથે ગઠબંધનની શક્યતાને સત્તાવાર રીતે નકારી કાઢવામાં આવી નથી. આજે ઉમેદવારી પત્ર ભરવાનો છેલ્લો દિવસ છે.

આ પહેલા બુધવારે કોંગ્રેસે 40 ઉમેદવારોની જાહેરાત કરી હતી. આમાં મુખ્ય નામ પાર્ટીના મહાસચિવ રણદીપ સુરજેવાલાના પુત્ર આદિત્ય સુરજેવાલાનું છે, જેને કૈથલથી ટિકિટ આપવામાં આવી છે. કોંગ્રેસે પંચકુલાથી પૂર્વ નાયબ મુખ્યમંત્રી ચંદ્ર મોહન, હિસારથી રામનિવાસ રારા, બાવાની ખેડાથી પ્રદીપ નરવાલ, અંબાલા શહેરથી નિર્મલ સિંહ, એલનાબાદથી ભરત સિંહ બેનીવાલ અને આદમપુરથી ચંદ્ર પ્રકાશને મેદાનમાં ઉતાર્યા છે.

ફરીદાબાદથી લખન કુમાર સિંઘલા, બલ્લબગઢથી પરાગ શર્મા, ફતેહાબાદથી બલવાન સિંહ દૌલતપુરિયા અને હાથિનથી મોહમ્મદ ઈઝરાયેલને મેદાનમાં ઉતારવામાં આવ્યા છે. હરિયાણામાં 90 વિધાનસભા બેઠકો માટે 5 ઓક્ટોબરે એક જ તબક્કામાં મતદાન થશે અને મતગણતરી 8 ઓક્ટોબરે થશે.

spot_img
spot_img
સંબંધિત લેખો
spot_img
spot_img

Most Popular

spot_img