ભારત અને માલદીવ સ્થાનિક ચલણમાં દ્વિપક્ષીય વેપાર કરશે

નવી દિલ્હીઃ ભારત અને માલદીવ વચ્ચે દ્વિપક્ષીય વેપાર ભારતીય રૂપિયા અને માલદીવિયન રુફિયામાં હાલના એશિયન ક્લિયરિંગ યુનિયન મિકેનિઝમ ઉપરાંત મંજૂરી આપવામાં આવશે. માલદીવના મીડિયા અહેવાલોમાં કહેવામાં આવ્યું કે, ભારતીય રિઝર્વ બેંકે સોમવારે આ સંદર્ભમાં એક પરિપત્ર જારી કર્યો છે. આનાથી માલદીવને મદદ મળશે. ભારત માલદીવનો સૌથી મોટો વેપારી ભાગીદાર છે, જેનો દ્વિપક્ષીય વેપાર 548 મિલિયન યુએસ ડોલરથી વધુ છે.

ગયા વર્ષે નવેમ્બરમાં ભારતીય રિઝર્વ બેંક અને માલદીવ્સ મોનેટરી ઓથોરિટી વચ્ચે થયેલા સમજૂતી કરારને અનુસરીને આ નિર્ણય લેવામાં આવ્યો છે. આ કરાર સ્થાનિક ચલણમાં વેપારને સરળ બનાવવા માટે એક માળખું સ્થાપિત કરે છે. માલદીવ મોનેટરી ઓથોરિટીએ કહ્યું કે, આ પહેલ માલદીવ અને ભારત વચ્ચે વેપાર અને નાણાકીય સંબંધો વધારવા તરફ એક મહત્વપૂર્ણ પગલું છે.