ઇન્ડિયન પ્રીમિયર લીગ (IPL) 2025ની ફાઈનલ ઇડન ગાર્ડન્સ ખાતે 25 મેના રોજ રમાશે
ઇન્ડિયન પ્રીમિયર લીગ (IPL) 2025 નું શેડ્યૂલ જાહેર કરવામાં આવ્યું છે. ટુર્નામેન્ટનો ઓપનર 22 માર્ચે કોલકાતાના ઐતિહાસિક ઇડન ગાર્ડન્સ ખાતે રમાશે, જ્યાં ડિફેન્ડિંગ ચેમ્પિયન કોલકાતા નાઈટ રાઇડર્સ (KKR) અને રોયલ ચેલેન્જર્સ બેંગ્લોર (RCB) ટકરાશે. ફાઇનલ મેચ પણ આ મેદાન પર 25 મેના રોજ યોજાશે.
લગભગ એક દાયકા પછી ઇડન ગાર્ડન્સમાં IPL ફાઇનલ રમાશે. અગાઉ આ મેદાન પર 2013 અને 2015માં ટાઇટલ મેચનું આયોજન કરવામાં આવ્યું હતું. આ ઉપરાંત, ક્વોલિફાયર 2 પણ અહીં 3 મેના રોજ રમાશે. 2024 ના રનર્સ-અપ સનરાઇઝર્સ હૈદરાબાદ (SRH) ના હોમ ગ્રાઉન્ડને પણ પ્લેઓફ મેચોનું આયોજન કરવાની તક મળી છે. ક્વોલિફાયર 1 (20 મે) અને એલિમિનેટર (21 મે) હૈદરાબાદમાં રમાશે. 65 દિવસમાં 74 મેચ રમાશે.
IPL 2025માં 65 દિવસમાં 12 ડબલ-હેડર સાથે કુલ 74 મેચ રમાશે. ટુર્નામેન્ટનો પહેલો ડબલ-હેડર 23 માર્ચે રમાશે, જેમાં પહેલી મેચ સનરાઇઝર્સ હૈદરાબાદ અને રાજસ્થાન રોયલ્સ વચ્ચે રમાશે. આ પછી, દિવસની સૌથી મોટી મેચ ત્યારે જોવા મળશે જ્યારે ચેન્નાઈ સુપર કિંગ્સ (CSK) અને મુંબઈ ઈન્ડિયન્સ (MI) પ્રતિષ્ઠિત મેચમાં ટકરાશે.
રાજસ્થાન રોયલ્સ, દિલ્હી કેપિટલ્સ, લખનૌ સુપર જાયન્ટ્સ અને ગુજરાત ટાઇટન્સ – બપોરે 3-3 મેચ. ગયા વર્ષની જેમ આ વખતે પણ બપોરના મેચો ભારતીય સમય મુજબ બપોરે 3:30 વાગ્યે શરૂ થશે. આ વખતે પણ કેટલીક ટીમો પાસે બીજું હોમ ગ્રાઉન્ડ હશે. ગુવાહાટી (રાજસ્થાન રોયલ્સ) અને વિશાખાપટ્ટનમ (દિલ્હી કેપિટલ્સ) માં 2-2 મેચ રમાશે. ધર્મશાલા (પંજાબ કિંગ્સ) માં 3 મેચ રમાશે.
