પટનાઃ વૈશાલીમાં એક ગમખ્વાર માર્ગ અકસ્માત સર્જાયો હતો. આમાં એક મહિલા સહિત પાંચ લોકોના મોત થયા છે. જ્યારે, લગભગ 15 લોકો ગંભીર રીતે ઘાયલ થયા છે. આ ઘટના સારણ પોલીસ સ્ટેશન હેઠળના નયાગાંવના બાજીતપુર ચાર રસ્તા પાસે બની હતી. આ ઘટનાની માહિતી મળતાં જ, પોલીસ ઘટનાસ્થળે પહોંચી ગઈ અને તમામ ઘાયલોને સોનપુર સબ-ડિવિઝનલ હોસ્પિટલમાં દાખલ કર્યા હતા. અહીં, ડોકટરોએ પાંચ લોકોને મૃત જાહેર કર્યા હતા. જ્યારે, ગંભીર રીતે ઘાયલ લોકોને વધુ સારી સારવાર માટે હાજીપુર સદર હોસ્પિટલમાં રીફર કરવામાં આવ્યા હતા.
સ્થાનિકોના જણાવ્યા અનુસાર, સારણ જિલ્લાથી આવી રહેલી પિકઅપ વાનમાં 25 લોકો હતા. દરમિયાન વાનનું ટાયર ફાટતા વાહન પલટી ગયું અને બધા લોકો તેની નીચે દટાઈ ગયા હતા. અકસ્માત એટલો ભયાનક હતો કે પાંચ લોકોના મોત થયા હતા. સદર હોસ્પિટલમાં પ્રાથમિક સારવાર બાદ, બે વ્યક્તિઓને વધુ સારી સારવાર માટે પીએમસીએચ રીફર કરવામાં આવ્યા હતા. પોલીસે જણાવ્યું હતું કે દિઘવારાથી પિકઅપ પર લોડ કર્યા પછી બધા લોકો વૈશાલી જિલ્લાના સરાઈ જઈ રહ્યા હતા. આ દરમિયાન, બાજીતપુર નજીક આ અકસ્માત થયો હતો. પિકઅપમાં 25 લોકો સવાર હતા, જે બધા એક જ ગામના રહેવાસી હતા.
પોલીસના જણાવ્યા અનુસાર, મૃતકોની ઓળખ સારણ જિલ્લાના દિઘવારા નિવાસી રાજ કુમાર પંડિતની 48 વર્ષીય પત્ની અંજુ દેવી, રાજુ બૈથની 50 વર્ષીય પત્ની રાધિકા દેવી, સરવન રામનો 23 વર્ષીય પુત્ર સોનુ કુમાર, પંચુરામની 15 વર્ષની પુત્રી રાજલક્ષ્મી કુમારી, રામબાબુ રામનો સાત વર્ષનો પુત્ર શિવમ કુમાર તરીકે થઈ છે.
