Homeગુજરાતીયુદ્ધ માટે અમેરિકા પાસે માત્ર દિવસના જ હથિયાર, અમેરિકાના પૂર્વ સૈન્ય અધિકારીનો...

યુદ્ધ માટે અમેરિકા પાસે માત્ર દિવસના જ હથિયાર, અમેરિકાના પૂર્વ સૈન્ય અધિકારીનો દાવો

વિશ્વની સૌથી શક્તિશાળી લશ્કરી શક્તિ ગણાતા અમેરિકા હવે તેના શસ્ત્રોની ભારે અછતનો સામનો કરી રહ્યું છે. યુએસ આર્મીના ભૂતપૂર્વ કર્નલ અને પેન્ટાગોનના ભૂતપૂર્વ સલાહકાર ડગ્લાસ મેકગ્રેગરે આ સંદર્ભમાં એક મોટો દાવો કર્યો છે. તેમણે ડોનાલ્ડ ટ્રમ્પને ચેતવણી આપી છે કે, જો અમેરિકા વર્તમાન પરિસ્થિતિમાં યુદ્ધમાં ઉતરશે તો તે ફક્ત 8 દિવસ માટે જ લડી શકશે. આ પછી તેને પરમાણુ શસ્ત્રોનો આશરો લેવો પડી શકે છે.

મેકગ્રેગરની ટિપ્પણી એવા સમયે આવી છે જ્યારે ડોનાલ્ડ ટ્રમ્પે તાજેતરમાં યુક્રેનને અમેરિકન શસ્ત્રોનો મોટો જથ્થો મોકલવાની જાહેરાત કરી છે. અમેરિકા સતત યુક્રેનને મદદ કરી રહ્યું છે, ખાસ કરીને રશિયા સામેના યુદ્ધમાં. પરંતુ હવે આ મદદ અમેરિકાની પોતાની સંરક્ષણ તૈયારીઓને અસર કરતી હોય તેવું લાગે છે.

ડગ્લાસ મેકગ્રેગરે સોશિયલ મીડિયા પ્લેટફોર્મ X (અગાઉ ટ્વિટર) પર કહ્યું છે કે, આપણે ફક્ત 8 દિવસ માટે જ પરંપરાગત યુદ્ધ લડી શકીએ છીએ, તે પછી આપણે પરમાણુ વિકલ્પ તરફ જવું પડશે. તેમણે યુએસ મિસાઇલોની ઘટતી સંખ્યા અંગે ચિંતા વ્યક્ત કરી છે અને સ્પષ્ટપણે કહ્યું છે કે હવે સમય આવી ગયો છે જ્યારે અમેરિકાએ વિદેશમાં તેના શસ્ત્રો મોકલવાનું બંધ કરવું જોઈએ.

અમેરિકા અત્યાર સુધી એક એવા દેશ તરીકે જાણીતું રહ્યું છે જે વિશ્વના કોઈપણ ખૂણામાં યુદ્ધ કરવાની શક્તિ ધરાવે છે. આવી સ્થિતિમાં, જો અમેરિકાનો પોતાનો મિસાઇલ સ્ટોક કટોકટીનો સામનો કરવા લાગે છે, તો તે માત્ર અમેરિકા માટે જ નહીં પરંતુ વૈશ્વિક સુરક્ષા માટે પણ ખતરાની ઘંટી છે.

spot_img
spot_img
સંબંધિત લેખો
spot_img
spot_img

Most Popular

spot_img