મુંબઈઃ મહારાષ્ટ્ર સાયબર પોલીસે ‘ઇન્ડિયા ગોટ લેટેન્ટ’ કેસ અંગે એફઆઈઆર નોંધી છે. આ મામલે 30 લોકો સામે કેસ નોંધવામાં આવ્યો છે.
મહારાષ્ટ્ર સાયબર પોલીસે ‘ઇન્ડિયા ગોટ લેટેન્ટ’ કેસ અંગે એફઆઈઆર નોંધી છે. એફઆઈઆરમાં નામ ધરાવતા તમામ લોકોને નોટિસ મોકલવાની પ્રક્રિયા શરૂ કરવામાં આવી છે. દરેકને તેમના નિવેદનો નોંધવા માટે બોલાવવામાં આવશે. મહારાષ્ટ્ર સાયબર પોલીસે યુટ્યુબને પત્ર લખીને આ શોના બધા એપિસોડ ડિલીટ કરવા જણાવ્યું છે. તમને જણાવી દઈએ કે ઓલ ઈન્ડિયા સિને વર્ક એસોસિએશને પણ આ મામલે કડક કાર્યવાહી કરી છે.
AICWA એ ઇન્ડિયા’ઝ ગોટ લેટેન્ટ સાથે સંકળાયેલા દરેક વ્યક્તિને ભારતીય ફિલ્મ ઉદ્યોગમાં કામ કરવા પર પ્રતિબંધ મૂક્યો છે. કોઈ પણ બોલીવુડ કે પ્રાદેશિક ફિલ્મ પ્રોડક્શન હાઉસ તેમની સાથે કામ કરશે નહીં. NCW એ એક પ્રેસ રિલીઝ પણ બહાર પાડી છે. તેમાં કહેવામાં આવ્યું છે કે NCW એ રણવીર અલ્લાહબાદિયા, સમય રૈના અને અન્ય લોકોને અપમાનજનક ટિપ્પણી કરવા બદલ સમન્સ જારી કર્યા છે અને સુનાવણી 17 ફેબ્રુઆરીના રોજ નક્કી કરવામાં આવી છે.
