Homeગુજરાતીવકફ વિધેયક માટે રચાયેલી JPCના અધ્યક્ષ જગદંબિકા પાલએ રિપોર્ટ લોકસભાના અધ્યક્ષને સોંપ્યો

વકફ વિધેયક માટે રચાયેલી JPCના અધ્યક્ષ જગદંબિકા પાલએ રિપોર્ટ લોકસભાના અધ્યક્ષને સોંપ્યો

નવી દિલ્હીઃ વકફ (સુધારા) બિલ પર વિચાર કરી રહેલી સંયુક્ત સંસદીય સમિતિ (JPC) ના અધ્યક્ષ જગદંબિકા પાલે ગુરુવારે લોકસભા અધ્યક્ષ ઓમ બિરલાને સમિતિનો અહેવાલ સુપરત કર્યો હતો. બુધવારે, સમિતિએ 655 પાનાના અહેવાલને બહુમતીથી સ્વીકારી લીધો હતો. તેમાં ભારતીય જનતા પાર્ટી (ભાજપ) ના સભ્યો દ્વારા આપવામાં આવેલા સૂચનોનો સમાવેશ થાય છે. જોકે, વિપક્ષી સાંસદોએ તેને ગેરબંધારણીય ગણાવ્યું હતું. તેમનો આરોપ છે કે આ પગલાથી વક્ફ બોર્ડ બરબાદ થઈ જશે. તેનાથી વિપરીત, ભાજપના સાંસદોએ ભાર મૂક્યો હતો કે ગયા વર્ષે ઓગસ્ટમાં લોકસભામાં રજૂ કરાયેલ બિલ વકફ મિલકતોના સંચાલનમાં આધુનિકતા, પારદર્શિતા અને જવાબદારી લાવવાનો પ્રયાસ કરશે.

ભાજપના સાંસદ જગદંબિકા પાલના નેતૃત્વ હેઠળની સમિતિના અહેવાલને 15 વિરુદ્ધ 11 મતોથી મંજૂરી આપવામાં આવી હતી. વિપક્ષી સભ્યોએ અસંમતિ નોંધો આપી છે. ગયા સોમવારે યોજાયેલી બેઠકમાં ભાજપના સાંસદો દ્વારા સૂચવવામાં આવેલા તમામ સુધારા સમિતિએ સ્વીકારી લીધા હતા. આ સમય દરમિયાન વિપક્ષના સુધારાઓ નકારી કાઢવામાં આવ્યા હતા.

સમિતિમાં વિપક્ષી સાંસદોએ વક્ફ (સુધારા) બિલની તમામ 44 જોગવાઈઓમાં સુધારાનો પ્રસ્તાવ મૂક્યો હતો. તેમણે દાવો કર્યો હતો કે સમિતિ દ્વારા પ્રસ્તાવિત કાયદો બિલના “દમનકારી” પાત્રને જાળવી રાખશે અને મુસ્લિમોના ધાર્મિક બાબતોમાં દખલ કરવાનો પ્રયાસ કરશે. કેન્દ્રીય લઘુમતી બાબતોના મંત્રી કિરેન રિજિજુ દ્વારા લોકસભામાં રજૂ કરવામાં આવ્યા બાદ, 8 ઓગસ્ટ, 2024 ના રોજ વકફ (સુધારા) બિલ, 2024 સંયુક્ત સંસદીય સમિતિ (JPC) ને મોકલવામાં આવ્યું હતું. આ બિલનો ઉદ્દેશ્ય વકફ મિલકતોના નિયમન અને સંચાલન સંબંધિત મુદ્દાઓ અને પડકારોને સંબોધવા માટે વકફ અધિનિયમ, 1995માં સુધારો કરવાનો છે.

spot_img
spot_img
સંબંધિત લેખો
spot_img
spot_img

Most Popular

spot_img