મધ્ય ઇઝરાયલના બાટ યામ શહેરને શ્રેણીબદ્ધ વિસ્ફોટોથી હચમચી ઉઠ્યું. ઇઝરાયલી પોલીસે જણાવ્યું હતું કે હુમલાઓમાં કોઈને ઈજા થઈ નથી પરંતુ તે મોટા આતંકવાદી હુમલા હતા. વિસ્ફોટો બાદ પીએમ નેતન્યાહૂ સંરક્ષણ પ્રધાન, આર્મી ચીફ અને શિન બેટ અને પોલીસ કમિશનરને મળ્યા હતા. પોલીસે એક નિવેદનમાં જણાવ્યું હતું કે બાટ યામમાં વિવિધ સ્થળોએ અનેક બસોમાં થયેલા વિસ્ફોટોની તપાસ કરવામાં આવી રહી છે.
તેલ અવીવ નજીક બસોમાં થયેલા વિસ્ફોટો બાદ ઇઝરાયલી વડા પ્રધાન બેન્જામિન નેતન્યાહૂએ ગુરુવારે સેનાને પશ્ચિમ કાંઠે સઘન કાર્યવાહી હાથ ધરવાનો આદેશ આપ્યો હતો, જેને નેતન્યાહૂના કાર્યાલયે સામૂહિક હુમલાનો પ્રયાસ ગણાવ્યો હતો. કોઈ જાનહાનિના અહેવાલ નથી. વિસ્ફોટ ડેપોમાં બસોમાં થયા હતા અને તમામ ખાલી હતી.
ઇઝરાયલી પોલીસે જણાવ્યું હતું કે તેલ અવીવની બહાર બે ઇઝરાયલી ઉપનગરોમાં ત્રણ બસોને બોમ્બથી ઉડાવવામાં આવી હતી, અને અન્ય 4 બસોમાંથી વિસ્ફોટક સામગ્રી મળી આવી હતી.ડેપોમાં બસોમાં વિસ્ફોટ થયા હતા અને તમામ ખાલી હતી. નિવેદનમાં કહેવામાં આવ્યું છે કે શંકાસ્પદોની શોધ માટે મોટી પોલીસ દળ તૈનાત કરવામાં આવી છે.
આ વિસ્ફોટો 2000ના દાયકાના પેલેસ્ટિનિયન બળવા દરમિયાન ઇઝરાયલમાં થયેલા વિનાશક બસ બોમ્બ વિસ્ફોટોની યાદ અપાવે છે. જોકે, આવા હુમલા હવે ભાગ્યે જ થાય છે. પોલીસે નિવેદનમાં જણાવ્યું હતું કે પોલીસ બોમ્બ ડિસ્પોઝલ યુનિટ વધુ શંકાસ્પદ વસ્તુઓની શોધ કરી રહ્યા હતા. અમે લોકોને આ વિસ્તારોથી દૂર રહેવા અને કોઈપણ શંકાસ્પદ બાબતથી સાવધ રહેવા વિનંતી કરીએ છીએ.
બેટ યામના મેયર ત્ઝ્વિકા બ્રોટએ એક વીડિયો નિવેદનમાં જણાવ્યું હતું કે વિસ્ફોટો બે અલગ-અલગ પાર્કિંગ લોટમાં થયા હતા. બ્રોએ જણાવ્યું હતું કે આ ઘટનાઓમાં કોઈને ઈજા થઈ નથી. તેમણે કહ્યું કે વિસ્ફોટોનું કારણ હજુ સ્પષ્ટ નથી. કેટલાક ઇઝરાયલી નેટવર્ક્સ દ્વારા પ્રસારિત ટેલિવિઝન ફૂટેજમાં એક સંપૂર્ણપણે બળી ગયેલી બસ દેખાઈ હતી, જ્યારે બીજી બસ આગમાં સળગી રહી હતી.
