Homeગુજરાતીગુજરાતવડોદરામાં PG ચલાવનારાઓએ હવે મકાનનો કોમર્શિયલ વેરો ભરવો પડશે !

વડોદરામાં PG ચલાવનારાઓએ હવે મકાનનો કોમર્શિયલ વેરો ભરવો પડશે !

વડોદરા, 24 ફેબ્રુઆરી 2026:  શહેરમાં શિક્ષણ કે રોજગારી માટે આવેલા બહારગામના અનેક યુવક-યુવતીઓ પેઈન ગેસ્ટ (પીજી)માં રહે છે. શહેરના જુદા જુદા વિસ્તારમાં ભાડાના મકાનોમાં પેઈન ગેસ્ટ ચાલી રહ્યા છે. તો કેટલાક લોકો પોતાના મકાનના બે-ત્રણ રૂમમાં પેઈનગેસ્ટ ચલાવતા હોય છે. હવે મ્યુનિ.કોર્પોરેશનની નજર પેઈન ગેસ્ટ પર પડી છે. અને જે મકાનોમાં પીજી ચાલતા હશે એવા મકાનોનો કોમર્શિયલ વેરો લેવાનું નક્કી કરાયું છે. વીએમસી દ્વારા એક-બે દિવસમાં નવો પરિપત્ર બહાર પાડી વોર્ડ કક્ષાએ પહોંચાડવાની તૈયારીઓ કરી દેવામાં આવી છે. આ પરિપત્ર અનુસાર જે રહેણાક મકાનોમાં પેઈંગ ગેસ્ટ એટલે કે ત્રણથી ચાર લોકોને એક જ રૂમમાં રાખવામાં આવતા હશે અને તેનો હોસ્ટેલ તરીકેનો ઉપયોગ કરવામાં આવતો હશે, તેને હવે કમર્શિયલ વેરો ભરવો પડશે. આ અંગેનો સર્વે કરવા માટેની પણ સૂચના આપી દેવામાં આવી છે.

વડોદરા શહેર તેમજ આસપાસ ઔદ્યોગિક વિસ્તાર છે. સાથે સાથે અભ્યાસ માટેની પણ અનેક ઇન્સ્ટિટ્યૂટ આવેલી છે, જેના કારણે બહારથી વિદ્યાર્થીઓ અહીં ભણવા માટે આવે છે. જેઓ સામાન્ય રીતે હોસ્ટેલના બદલે PG (પેઈંગ ગેસ્ટ) તરીકે રહેવાનું પસંદ કરે છે. એક મકાનમાં ત્રણ કે ચાર વિદ્યાર્થીઓ સાથે રહે તો તેઓને સસ્તું પણ પડે છે અને હોસ્ટેલની ઝંઝટ પણ નથી રહેતી. કેટલાક મકાનધારકો આવા લોકોને મકાન ભાડે આપી ભાડું વસુલતા હોય છે.

વીએમસીના સૂત્રોના કહેવા મુજબ  શહેરમાં રહેણાક મિલકતોમાં કે જેનો કોમર્શિયલ ઉપયોગ થતો હશે તો તેવી મિલકતોને કોમર્શિયલ ગણીને આકારણી કરવાનો નિયમ છે જ, પરંતુ તેને વધુ સક્રિય કરવા માટે પરિપત્ર બહાર પાડી વોર્ડ વાર આપવામાં આવશે. જો એક ભાડુઆતને મકાન ભાડે આપ્યું હશે તો તે કોમર્શિયલ નથી ગણાતું, પરંતુ એક જ મકાનમાં ત્રણથી ચાર કે તેથી વધુ લોકોને ભાડે આપ્યું હશે તો તે હોસ્ટેલની કેટેગરી અથવા તો કોમર્શિયલ કેટેગરીમાં ગણાશે. તેની આકારણી તે મુજબની કરી વેરો તે પ્રમાણેનો વસુલવામાં આવશે.

spot_img
spot_img
સંબંધિત લેખો
spot_img
spot_img

Most Popular

spot_img