Homeગુજરાતીગુજરાતકચ્છમાં ફેબ્રુઆરી મહિનામાં 4.37 લાખ મેટ્રિક ટન મીઠાનું રેલવે દ્વારા વહન કરાયું

કચ્છમાં ફેબ્રુઆરી મહિનામાં 4.37 લાખ મેટ્રિક ટન મીઠાનું રેલવે દ્વારા વહન કરાયું

ભૂજ, 02 માર્ચ, 2026: 4.37 lakh metric tonnes of salt transported by railway in Kutch in February  કચ્છ મીઠાંના ઉત્પાદનમાં પણ મોખરાનું સ્થાન ધરાવે છે. દેશમાં 70 ટકાથી વધુ મીઠાનું ઉત્પાદન ગુજરાતમાં થાય છે. અને ગુજરાતમાં સૌથી વધુ કચ્છમાં મીઠાનું ઉત્પાદન થાય છે. કચ્છના બંદરો તેમજ રેલવે માર્ગે વિવિધ પ્રાંતમાં મીઠું મોકલવામાં આવે છે. કચ્છથી રેલમાર્ગે થતા પરિવહનમાં સોલ્ટનો મહત્વનો ફાળો છે ત્યારે ફ્રેબ્રુઆરી મહિનામાં કચ્છમાંથી 6335 વેગન મારફતે 4.37 લાખ મેટ્રિક ટન ઈન્ડસ્ટ્રીયલ સોલ્ટની નિકાસ કરવામાં આવી હતી જે અત્યાર સુધીની સર્વાધિક છે.

પશ્ચિમ રેલ્વેના અમદાવાદ મંડળના ગાંધીધામ વિસ્તાર દ્વારા માલ પરિવહન ક્ષેત્રે એક નવી ઊંચાઈ હાંસલ કરાઈ છે. ફેબ્રુઆરી 2026માં રેલ્વેએ ગત વર્ષની તુલનાએ અસાધારણ વૃદ્ધિ નોંધાવીને પરિવહનના નવા સીમાચિહ્નો સ્થાપિત કર્યા છે. ખાસ કરીને ઔદ્યોગિક મીઠાના લોડિંગમાં ગાંધીધામ રેલવેએ અત્યાર સુધીનો સૌથી શ્રેષ્ઠ દેખાવ કરતા ફ્રેબ્રુઆરીમાં કુલ 6335 વેગન મીઠું લોડ કરીને ઈતિહાસ રચ્યો છે. આ અગાઉ જાન્યુઆરી 2026માં 5161 વેગનનો જે રેકોર્ડ હતો તેને રેલવેએ માત્ર એક મહિનાના ટૂંકા ગાળામાં વટાવી દીધો છે.

પશ્વિમ રેલવેના સૂત્રોના કહેવા મુજબ સામાન્ય રીતે રેલવેના એક વેગનમાં અંદાજે 60 થી 70 ટન ઇન્ડસ્ટ્રીયલ સોલ્ટ લોડ કરી શકાય છે. સરેરાશ ગણીએ તો ફ્રેબ્રુઆરીમાં 4.37 લાખ મેટ્રિક ટન ઈન્ડસ્ટ્રીયલ સોલ્ટ લોડ થયું છે. દરરોજ 226 વેગન ભરવામાં આવ્યા હતા. ગત વર્ષે ફ્રેબ્રુઆરી 2025માં દરરોજ દરરોજ 94 વેગન ભરાતા હતા જેમાં અઢી ગણો વધારો થયો છે. ખાદ્ય નમકના ફેબ્રુઆરી 2025માં દરરોજ 71 વેગન ભરાતા હતા જ્યારે ફેબ્રુઆરી 2026માં આ સંખ્યા વધીને 89 થઈ છે. ખાદ્ય નમકની નિકાસમાં રેલ માર્ગે 25% નો વધારો થયો છે.મહિનામાં 1.63 લાખ મેટ્રિક ટન ખાદ્ય નમકની રેલમાર્ગે નિકાસ થઈ છે.

સૂત્રોએ વધુમાં જણાવ્યું હતું કે, ગાંધીધામ રેલવે માટે આર્થિક અને આંકડાકીય દૃષ્ટિએ ફ્રેબ્રુઆરી માસ અતિ સફળ રહ્યો છે. ગત વર્ષના ફેબ્રુઆરી માસની તુલનામાં આ વર્ષે કુલ માલપરિવહનમાં 20 ટકાનો મોટો ઉછાળો જોવા મળ્યો છે. ફેબ્રુઆરી 2025માં જ્યાં 2.53 મિલિયન મેટ્રિક ટન લોડિંગ થયું હતું, તેની સામે આ વર્ષે તે વધીને 3.04 મિલિયન મેટ્રિક ટન સુધી પહોંચી ગયું છે. આ સાથે જ રેલ્વેની માસિક આવકમાં પણ 11.6 ટકાની વૃદ્ધિ નોંધાઈ છે, જે આર્થિક રીતે મંડળ માટે ખૂબ જ પ્રોત્સાહક છે.

spot_img
spot_img
સંબંધિત લેખો
spot_img
spot_img

Most Popular

spot_img