નાણાંમંત્રી નિર્મલા સીતારમણ 2024-25નું બજેટ રજૂ કરશે, ચાલુ નાણાકીય વર્ષમાં અર્થતંત્રની કામગીરીનું સત્તાવાર મૂલ્યાંકન પ્રદાન કરશે અને રાષ્ટ્ર દ્વારા સામનો કરવામાં આવી રહેલા પડકારોની યાદી આપશે.
પહેલા સંસદમાં રજૂ કરવામાં આવેલ આર્થિક સર્વે, સુધારા અને વૃદ્ધિ માટેનો રોડમેપ પણ પૂરો પાડે છે. આ દસ્તાવેજ મુખ્ય આર્થિક સલાહકાર વી અનંત નાગેશ્વરનની આગેવાની હેઠળની ટીમે તૈયાર કર્યો છે. આ સર્વેમાં આગામી નાણાકીય વર્ષનો અંદાજ આપવા ઉપરાંત અર્થતંત્ર અને વિવિધ ક્ષેત્રોમાં થયેલા વિકાસની રૂપરેખા આપવામાં આવી છે.
આ દસ્તાવેજમાં ધીમી વૃદ્ધિ, યુએસ ડૉલર સામે રૂપિયાના મૂલ્યમાં ઘટાડો અને વપરાશની માંગમાં ઘટાડો જેવા મહત્ત્વના વિકાસનું મૂલ્યાંકન પ્રદાન કરવાની અપેક્ષા છે. ગરીબી નાબૂદી, આબોહવા પરિવર્તન, શિક્ષણ, ઈન્ફ્રાસ્ટ્રક્ચર વિકાસ અને નાણાકીય ક્ષેત્રને લગતા પડકારોને પહોંચી વળવા માટે ઘણીવાર સર્વેક્ષણો નવા અને આઉટ ઓફ ધ બોક્સ વિચારો સાથે આવે છે.
શનિવારે નાણાંમંત્રી સીતારાણ આવકવેરાના સ્લેબમાં ફેરફાર, ઈન્ફ્રાસ્ટ્રક્ચર સેક્ટર માટે મોટા પ્રોત્સાહન, ગ્રામીણ વિકાસ અને શિક્ષણ ક્ષેત્ર માટે મોટી ફાળવણી કરે તેવી અપેક્ષાઓ સેવાઈ રહી છે. મોદી 3.0 સરકારનું પ્રથમ સંપૂર્ણ બજેટ રજૂ કરાશે. શુક્રવારે બજેટ સત્રની શરૂઆત રાષ્ટ્રપતિ દ્રૌપદી મુર્મુ લોકસભા અને રાજ્યસભાની સંયુક્ત બેઠકને સંબોધિત કરશે.
