ઓસ્ટ્રેલિયામાં 3 મેના રોજ ચૂંટણી યોજાશે, મોંઘવારી, રહેઠાણનો અભાવ મુખ્ય મુદ્દાઓ રહેશે

મેલબોર્નઃ ઓસ્ટ્રેલિયામાં 3 મેના રોજ સામાન્ય ચૂંટણી માટે મતદાન થશે, જેમાં વધતી જતી મોંઘવારી અને રહેઠાણની અછત મુખ્ય ચૂંટણી મુદ્દાઓ હોવાની અપેક્ષા છે. દેશના વડા પ્રધાન એન્થોની અલ્બેનીસની ડાબેરી ‘લેબર પાર્ટી’ સતત બીજી વખત સરકાર બનાવવાનો પ્રયાસ કરી રહી છે. શુક્રવારે અલ્બેનીઝે ચૂંટણી પ્રક્રિયા શરૂ કરવા માટે ગવર્નર જનરલ સેમ મોસ્ટિનના સત્તાવાર નિવાસસ્થાનની મુલાકાત લીધી હતી અને બાદમાં સંસદ ભવનમાં એક પત્રકાર પરિષદ દરમિયાન ચૂંટણીની તારીખની જાહેરાત કરી હતી.

અલ્બેનીઝે કહ્યું, “અમારી સરકારે વૈશ્વિક પડકારોનો સામનો કરવા માટે ઓસ્ટ્રેલિયન માર્ગ પસંદ કર્યો છે: ભવિષ્ય માટે નિર્માણ કરતી વખતે લોકોને જીવનનિર્વાહના ખર્ચના દબાણનો સામનો કરવામાં મદદ કરવી.” ઘણા વિશ્લેષકોએ આગાહી કરી છે કે વિપક્ષી નેતા પીટર ડટનની લિબરલ પાર્ટીના નેતૃત્વ હેઠળનું રૂઢિચુસ્ત ગઠબંધન ચૂંટણીમાં સારો દેખાવ કરશે. અલ્બેનીઝ સત્તામાં આવ્યા ત્યારથી ઓસ્ટ્રેલિયામાં રહેવાનો ખર્ચ વધ્યો છે. છેલ્લી ચૂંટણી પછી વ્યાજ દરમાં 12 વખત વધારો કરવામાં આવ્યો છે. અલ્બેનીઝે 2023 માં પાંચ વર્ષમાં 1.2 મિલિયન ઘરો બનાવીને રહેઠાણની અછતને પહોંચી વળવાનું વચન આપ્યું હતું પરંતુ આ દિશામાં પ્રગતિ ધીમી રહી છે.