મેટાએ સોશીયલ મીડિયા ક્રિએટરોમાટે પાંચ નવી ભારતીય ભાષાઓ ઉમેરવાની જાહેરાત કરી

નવી દિલ્હી: મેટાએ સોશીયલ મીડિયા ક્રિએટરોમાટે પાંચ નવી ભારતીય ભાષાઓ ઉમેરવાની જાહેરાત કરી છે. મુંબઈમાં આયોજિત ‘હાઉસ ઓફ ઇન્સ્ટાગ્રામ’ ઇવેન્ટમાં, આ જાહેરાત કરવામાં આવી હતી.ઇન્સ્ટાગ્રામ અને ફેસબુક વપરાશકર્તાઓ ટૂંક સમયમાં તેમની રીલ્સનો મરાઠી, બંગાળી, તેલુગુ, કન્નડઅને તમિલમાં અનુવાદ કરી શકશે. આ અપગ્રેડ AI-આધારિત ઓટોમેટિક ડબિંગ અનેલિપ-સિંકિંગ ટેકનોલોજી દ્વારા સંચાલિત છે.

અત્યાર સુધી, આ સુવિધા ફક્ત અંગ્રેજી, હિન્દી, સ્પેનિશ અને પોર્ટુગીઝમાં જ ઉપલબ્ધ હતી. મેટા ભારતીય ભાષાઓ માટે નવા ફોન્ટ્સ રજૂ કરીને તેની ‘એડિટ્સ’ મોબાઇલ વિડિઓ એડિટિંગ એપ્લિકેશનને પણ વધારી રહી છે.એપ્લિકેશનના એન્ડ્રોઇડ વર્ઝનમાં હવે દેવનાગરી અને બંગાળી-આસામી સ્ક્રિપ્ટોમાં આકર્ષક ફોન્ટ્સ શામેલ હશે, જે મરાઠી, આસામી, બંગાળી અને હિન્દીને પણ સપોર્ટ કરશે.