નવી દિલ્હી: અમેરિકાના કેલિફોર્નિયામાં ગોળીબારની ઘટના સામે આવી છે. સ્ટોકટનના એક બેન્ક્વેટ હોલમાં થયેલા આડેધડ ગોળીબારમાં અનેક લોકોએ જીવ ગુમાવ્યા છે. અમેરિકન અધિકારીઓના જણાવ્યા અનુસાર, ગોળીબારને કારણે ચાર લોકોના ઘટનાસ્થળે જ મોત થયા હતા અને 10 લોકો ગંભીર રીતે ઘાયલ થયા હતા.
સાન જોઆક્વિન કાઉન્ટી શેરિફ ઓફિસના પ્રવક્તા હીથર બ્રેન્ટે ઘટના વિશે માહિતી આપતા જણાવ્યું હતું કે ગોળીબારમાં મહિલાઓ અને બાળકોને પણ ગોળી વાગી હતી. શરૂઆતની તપાસમાં એવું જણાય છે કે આ એક જાણી જોઈને બનાવેલ કાવતરું હતું. ગોળીબાર એક બેન્ક્વેટ હોલમાં થયો હતો.
આ ઘટના પાછળનું કારણ હજુ સુધી જાણી શકાયું નથી. પોલીસ આ મામલાની તપાસ કરી રહી છે. ઘાયલોને હોસ્પિટલમાં દાખલ કરવામાં આવ્યા છે અને તેમની સારવાર ચાલી રહી છે.
અહેવાલો અનુસાર, સ્ટોકટનના એક બેન્ક્વેટ હોલમાં એક પારિવારિક કાર્યક્રમ ચાલી રહ્યો હતો, જ્યાં હાજરી આપવા માટે મોટી સંખ્યામાં લોકો ઉમટી પડ્યા હતા. ત્યારબાદ સાંજે લગભગ 6 વાગ્યે, એક વ્યક્તિ બંદૂક સાથે બેન્ક્વેટ હોલમાં ઘૂસી ગયો અને અંધાધૂંધ ગોળીબાર શરૂ કરી દીધો.
