દિલ્હીમાં પ્રદૂષણ પર લાગશે બ્રેક! 1,000થી વધુ નવી ઈલેક્ટ્રિક બસો રસ્તાઓ પર લૉન્ચ કરવામાં આવશે
નવી દિલ્હી: રાજધાની દિલ્હીમાં જાહેર પરિવહનને પ્રદૂષણ મુક્ત અને પર્યાવરણ-મૈત્રીપૂર્ણ બનાવવાની દિશામાં એક મહત્વપૂર્ણ પગલું ભરતા, દિલ્હી સરકાર આ મહિને 1,000 થી વધુ ઇલેક્ટ્રિક બસો સાથે રસ્તાઓ પર ઉતરવાની તૈયારીમાં છે. પરિવહન મંત્રી પંકજ કુમાર સિંહે આ માહિતી આપી હતી.
સિંહે કહ્યું કે દિલ્હીનું ટ્રાન્સપોર્ટ સેક્ટર હાલમાં ₹235 કરોડની ખોટમાં ચાલી રહ્યું છે. “અમે શહેરમાં જાહેર પરિવહનને સુધારવા માટે સતત કામ કરી રહ્યા છીએ, અને ટૂંક સમયમાં કનેક્ટિવિટી સુધારવા માટે કાફલામાં વધુ બસો ઉમેરવામાં આવશે,” તેમણે કહ્યું.
ટ્રાન્સપોર્ટેશનને પ્રદુષણ મુક્ત બનાવવા પર ભાર
હાલમાં, દિલ્હીમાં કુલ 7,600 બસો કાર્યરત છે, જેમાંથી 2,002 ઇલેક્ટ્રિક બસો છે. સરકાર 2026 સુધીમાં 8,000 ઈલેક્ટ્રિક બસો સહિત 11,000 બસો રસ્તા પર લાવવાની યોજના ધરાવે છે. આ અંતર્ગત સપ્ટેમ્બર 2025 સુધીમાં 3,680 ઈલેક્ટ્રિક બસોની ખરીદીની પ્રક્રિયા પૂર્ણ કરવામાં આવશે, જે જાહેર પરિવહન વ્યવસ્થાને વધુ મજબૂત બનાવશે.
2023 ના આર્થિક સર્વે અનુસાર, દિલ્હીમાં દરરોજ સરેરાશ 41 લાખ મુસાફરો જાહેર બસોમાં મુસાફરી કરે છે. નવી ઈલેક્ટ્રીક બસોના સમાવેશથી મુસાફરોને સારી સુવિધા મળશે અને પ્રદુષણમાં પણ ઘટાડો થશે.
AAP સરકારે ઈ-વ્હીકલ પોલિસી લાગુ કરી હતી
અગાઉની આમ આદમી પાર્ટી (AAP) સરકારે 2020 માં ઇલેક્ટ્રિક વાહન નીતિ લાગુ કરી હતી, જેનો હેતુ 2025 સુધીમાં શહેરમાં બસોની કુલ સંખ્યા વધારીને 10,480 કરવાનો હતો, જેમાંથી 80% એટલે કે 8,280 બસો ઈલેક્ટ્રિક હતી. જો કે, નવી સરકાર મોહલ્લા બસ સેવા માટેની યોજનાની સમીક્ષા કરી રહી છે, જેમાં અગાઉ સાંકડી શેરીઓ અને ભીડભાડવાળા વિસ્તારોમાં પરિવહન સુવિધાઓ સુધારવા માટે 2,180 નાની નવ મીટર લાંબી બસોનો સમાવેશ કરવાની યોજના હતી.
ચૂંટણી પ્રચાર દરમિયાન, ભાજપ અને કોંગ્રેસ બંનેએ દિલ્હી ટ્રાન્સપોર્ટ કોર્પોરેશન (DTC) બસ પ્રાપ્તિમાં ગોટાળાનો આરોપ લગાવ્યો હતો અને કહ્યું હતું કે બસોના ભાવમાં વધારો થવાને કારણે આશરે રૂ. 4,500 કરોડનું નુકસાન થયું હતું અને કેટલીક ખાનગી કંપનીઓને અનુચિત લાભો આપવામાં આવ્યા હતા. જો કે હજુ સુધી આ રિપોર્ટ વિધાનસભામાં રજૂ કરવામાં આવ્યો નથી.
નવી સરકાર હવે આ તમામ યોજનાઓની સમીક્ષા કરી રહી છે અને આગામી દિવસોમાં સ્પષ્ટ થશે કે દિલ્હીની બસ સેવા કઈ દિશામાં આગળ વધશે.
