સરહદ વિવાદ પર કંબોડિયા અને થાઇલેન્ડે એકબીજા પર જોરદાર પ્રહારો કર્યા. સંયુક્ત રાષ્ટ્રમાં કંબોડિયાના રાજદૂતે શુક્રવારે કહ્યું કે તેઓ થાઇલેન્ડ સાથે તાત્કાલિક યુદ્ધવિરામ ઇચ્છે છે. બંને પડોશી દેશો વચ્ચે સતત બીજા દિવસે ઘાતક હુમલા થયા. હવે બેંગકોકે પણ વાતચીત માટે ખુલ્લા સંકેત આપ્યા છે. સંયુક્ત રાષ્ટ્ર સુરક્ષા પરિષદે શુક્રવારે આ સંઘર્ષ પર ઇમરજન્સી બેઠક બોલાવી હતી. સરહદ વિવાદ પર કંબોડિયા અને થાઇલેન્ડે એકબીજા પર જોરદાર પ્રહારો કર્યા. સંયુક્ત રાષ્ટ્રમાં કંબોડિયાના રાજદૂતે શુક્રવારે કહ્યું કે તેઓ થાઇલેન્ડ સાથે “તાત્કાલિક યુદ્ધવિરામ” ઇચ્છે છે. બંને પડોશી દેશો વચ્ચે સતત બીજા દિવસે ઘાતક હુમલા થયા. તે જ સમયે, હવે બેંગકોકે પણ વાતચીત માટે ખુલ્લા સંકેત આપ્યા છે.
લાંબા સમયથી ચાલી રહેલો સરહદ વિવાદ ગુરુવારે જેટ, તોપખાના, ટેન્ક અને ભૂમિ સૈનિકો સાથે ભીષણ યુદ્ધમાં ફેરવાઈ ગયો. ત્યારબાદ સંયુક્ત રાષ્ટ્ર સુરક્ષા પરિષદે શુક્રવારે આ સંઘર્ષ પર ઇમરજન્સી બેઠક બોલાવી. કંબોડિયા અને થાઇલેન્ડની હાજરીમાં કાઉન્સિલની બેઠકમાં ફ્નોમ પેન્હના યુએન રાજદૂત ચીઆ કીઓએ જણાવ્યું હતું કે, કંબોડિયાએ તાત્કાલિક બિનશરતી યુદ્ધવિરામની માંગ કરી છે અને અમે આ વિવાદના શાંતિપૂર્ણ ઉકેલ માટે પણ આહ્વાન કરીએ છીએ.
શુક્રવારે સરહદની કંબોડિયા બાજુથી તોપખાનાના હુમલાના અવાજો સંભળાયા હતા. જ્યાં ઓડર મીંચે પ્રાંતે અહેવાલ આપ્યો હતો કે એક નાગરિક – એક 70 વર્ષીય વ્યક્તિ – માર્યો ગયો છે અને પાંચ અન્ય ઘાયલ થયા છે. શુક્રવાર (25 જુલાઈ, 2025)ના રોજ થાઇલેન્ડમાં ભારતીય દૂતાવાસે દેશમાં તેના નાગરિકો માટે એક સલાહ જારી કરી છે, જેમાં તેમને થાઇલેન્ડ-કંબોડિયા સરહદ પર ચાલી રહેલી અશાંતિ વચ્ચે સાત પ્રાંતોમાં મુસાફરી કરવાનું ટાળવા વિનંતી કરી છે.
ભારતીય દૂતાવાસે પ્રવાસીઓને થાઇલેન્ડના સાત પ્રાંતો ટાળવાની સલાહ આપી છે, જેમાં ઉબોન રત્ચાથની, સુરીન, સિસાકેટ, બુરીરામ, સા કાઓ, ચાંથાબુરી અને ત્રાટનો સમાવેશ થાય છે. ગુરુવાર (24 જુલાઈ,2025)ના રોજ થાઈલેન્ડ અને કંબોડિયા વચ્ચે સરહદ પર અથડામણ થઈ હતી, જેના કારણે મોટી તંગદીલી થઈ હતી જેમાં ઓછામાં ઓછા 15 લોકો માર્યા ગયા હતા. જેમાં મોટાભાગે નાગરિકો અને એક સૈનિક હતા. ભારતીય દૂતાવાસે એક પોસ્ટમાં જણાવ્યું હતું કે થાઈલેન્ડ-કંબોડિયા સરહદ નજીકની પરિસ્થિતિને ધ્યાનમાં રાખીને થાઈલેન્ડની મુસાફરી કરતા તમામ ભારતીય મુસાફરોને TAT ન્યૂઝરૂમ સહિત થાઈ સત્તાવાર સ્ત્રોતોમાંથી અપડેટ્સ તપાસવાની સલાહ આપવામાં આવે છે.
