Homeગુજરાતીદેશમાં ફ્લાઈટને ધમકીના બનાવમાં વધારો, 11 દિવસમાં 250થી વધારે ફ્લાઈટને મળી ધમકી

દેશમાં ફ્લાઈટને ધમકીના બનાવમાં વધારો, 11 દિવસમાં 250થી વધારે ફ્લાઈટને મળી ધમકી

નવી દિલ્હીઃ વિમાનોને ઉડાવી દેવાની ધમકીઓ મળવાની પ્રક્રિયા ચાલુ છે. ફરી એકવાર ભારતીય કંપનીઓની 70થી વધુ ફ્લાઈટને બોમ્બની ધમકી મળી છે. સૂત્રોએ જણાવ્યું કે એર ઈન્ડિયા, વિસ્તારા અને ઈન્ડિગોની લગભગ 20 ફ્લાઈટને બોમ્બની ધમકી મળી છે, જ્યારે અકાસા એરની લગભગ 14 ફ્લાઈટને ધમકી મળી છે. આ રીતે છેલ્લા 11 દિવસમાં લગભગ 250 ફ્લાઈટને બોમ્બની ધમકી મળી છે. જો કે, આવી ધમકીઓ અત્યાર સુધી નકલી સાબિત થઈ છે.

અકાસા એરના પ્રવક્તાએ કહ્યું કે, તેની કેટલીક ફ્લાઈટ્સને સુરક્ષા ચેતવણીઓ મળી હતી, જે 24 ઓક્ટોબરે તેમના ગંતવ્ય માટે પ્રસ્થાન કરવાની તૈયારી કરી રહી હતી. અકાસા એરની ઇમરજન્સી રિસ્પોન્સ ટીમ પરિસ્થિતિ પર નજર રાખી રહી છે, એમ પ્રવક્તાએ જણાવ્યું હતું. તે સુરક્ષા અને નિયમનકારી અધિકારીઓ સાથે સતત સંવાદમાં છે. અમે સ્થાનિક સત્તાવાળાઓ સાથે સંકલનમાં તમામ સુરક્ષા પ્રક્રિયાઓનું પાલન કરીએ છીએ.

નોંધનીય છે કે, આ સપ્તાહની શરૂઆતમાં નાગરિક ઉડ્ડયન મંત્રી કે. રામમોહન નાયડુએ કહ્યું હતું કે, કેન્દ્ર સરકાર એરલાઇન્સને બોમ્બની ધમકીની ઘટનાઓનો સામનો કરવા માટે કાયદાકીય પગલાંની યોજના બનાવી રહી છે. તેમણે કહ્યું કે, આમાં આવી ધમકીઓ આપનારાઓને નો-ફ્લાય લિસ્ટમાં મૂકવાનો પણ સમાવેશ થાય છે. આ સૂચિનો હેતુ બેકાબૂ મુસાફરોને ઓળખવાનો અને તેમને વિમાનમાં ચઢવા પર પ્રતિબંધ મૂકવાનો છે.

spot_img
spot_img
સંબંધિત લેખો
spot_img
spot_img

Most Popular

spot_img