1. Home
  2. ગુજરાતી
  3. પાકિસ્તાન ઈન્ટરનેશન એરલાઈન્સની જાહેરાતનો વિચિત્ર ફોટો સોશિયલ મીડિયામાં વાયરલ
પાકિસ્તાન ઈન્ટરનેશન એરલાઈન્સની જાહેરાતનો વિચિત્ર ફોટો સોશિયલ મીડિયામાં વાયરલ

પાકિસ્તાન ઈન્ટરનેશન એરલાઈન્સની જાહેરાતનો વિચિત્ર ફોટો સોશિયલ મીડિયામાં વાયરલ

0
Social Share

નવી દિલ્હીઃ ભારત સહિત વિશ્વના ઘણા દેશો દ્વારા પાકિસ્તાનને આતંકવાદ માટે સલામત આશ્રયસ્થાન માનવામાં આવે છે. આવી સ્થિતિમાં, આખી દુનિયા આપણા પાડોશી દેશના સત્તાધીશોને શંકાની નજરે જુએ છે. દરમિયાન, પાકિસ્તાની એરલાઈને એક જાહેરાત તૈયાર કરી છે. જેની પોસ્ટ પોસ્ટ સોશિયલ મીડિયા ઉપર વાયરલ થયા પછી, ભારતીય યુઝર્સે આ પોસ્ટના કોમેન્ટ સેક્શનમાં રમુજી કોમેન્ટ્સ પણ કરી છે.

સુત્રોના જણાવ્યા અનુસાર, પાકિસ્તાનની આંતરરાષ્ટ્રીય એરલાઈને એક જાહેરાત જારી કરી છે જેમાં કહેવામાં આવ્યું હતું કે પેરિસ માટે તેની સેવાઓ શરૂ થશે. પરંતુ ફોટોની ડિઝાઇન જોઈને કેટલાક યુઝર્સે આ જાહેરાત પર પ્રશ્નો ઉઠાવવાનું શરૂ કર્યું છે. મોટાભાગના લોકો તેને ધમકી તરીકે લઈ રહ્યા છે. પાકિસ્તાન ઇન્ટરનેશનલ એરલાઇન્સે X પર આ તસવીર પોસ્ટ કરી છે. જેમાં એક જહાજ થોડે દૂર પેરિસમાં એફિલ ટાવર તરફ આગળ વધતું જોવા મળે છે. આ ફોટા દ્વારા, એરલાઇન્સ જણાવે છે કે ઇસ્લામાબાદ અને પેરિસ વચ્ચેની ફ્લાઇટ્સ ફરી શરૂ થવા જઈ રહી છે. આ જાહેરાતની ટેગ લાઈન છે – ‘આજે આપણે પેરિસ આવી રહ્યા છીએ’.

એફિલ ટાવર તરફ ઉડતા વિમાનના ચિત્ર અને જાહેરાતની ટેગલાઇન પર ઇન્ટરનેટ વપરાશકર્તાઓ તરફથી રમુજી ટિપ્પણીઓ મળી છે. મોટાભાગના વપરાશકર્તાઓ ટિપ્પણી વિભાગમાં પૂછતા જોવા મળે છે કે આ જાહેરાતને માહિતી તરીકે લેવી જોઈએ કે ધમકી તરીકે!

આ ફોટો @Official_PIA (પાકિસ્તાન ઇન્ટરનેશનલ એરલાઇન્સ) દ્વારા X પર પોસ્ટ કરવામાં આવ્યો હતો. જેને ત્યાં સુધી 1.40 કરોડથી વધુ વ્યૂઝ મળી ચૂક્યા છે, અને 25 હજાર યુઝર્સે પણ આ પોસ્ટને લાઈક કરી છે. આ પોસ્ટ પર 3 હજારથી વધુ ટિપ્પણીઓ મળી છે.

પાકિસ્તાની એરલાઇન્સની આ જાહેરાત પર યુઝર્સ કોમેન્ટ સેક્શનમાં ભારે પ્રતિક્રિયા આપી રહ્યા છે. એક યુઝરે લખ્યું – આ જાહેરાત છે કે ધમકી? બીજા યુઝરે કહ્યું બોસ! આ કાઢી નાખો. ત્રીજા યુઝરે લખ્યું: તમે બિન લાદેનને પાકિસ્તાનમાંથી બહાર કાઢી શકો છો, પણ પાકિસ્તાનીઓમાંથી ક્યારેય નહીં. તેણે ચિત્ર દ્વારા તમારા સુધી પોતાના ઇરાદા પહોંચાડ્યા છે. પેરિસ, તમને ચેતવણી આપવામાં આવી છે…. ચોથા યુઝરે પૂછ્યું કે શું આ ધમકી છે?

LEAVE YOUR COMMENT

Your email address will not be published. Required fields are marked *

Join our WhatsApp Channel

And stay informed with the latest news and updates.

Join Now
revoi whats app qr code