હોટેલ જેવી બટર ખીચડી ઘરે બનાવો, જાણો રેસીપી

જો તમે પણ સાદી ખીચડી ખાઈને કંટાળી ગયા હોવ તો હવે તમે ઓછા સમયમાં સ્વાદિષ્ટ મસાલેદાર બટર ખીચડી બનાવી શકો છો. અમે તમને તેની રેસિપી જણાવીશું, જેને અનુસરીને તમે કંઈક ખાસ અને નવું ખાઈ શકો છો. બટર ખીચડી એક એવી વાનગી છે જે બાળકોથી લઈને વડીલો સુધી દરેકને પસંદ હોય છે. આવી સ્થિતિમાં, જો તમે પણ કોઈ ખાસ અને અદ્ભુત વાનગી બનાવવા માંગો છો, તો આ ખાસ રેસિપીને અનુસરો.

• બટર ખીચડી બનાવવાની સામગ્રી

ઘરે સ્વાદિષ્ટ અને અનોખી બટર ખીચડી બનાવવા માટે તમારે કેટલીક સામગ્રીની જરૂર પડશે. જેમ કે 1 કપ મગની દાળ, 1 કપ ચોખા, 2-3 બારીક સમારેલા લીલા મરચાં, 1 ઇંચ છીણેલું આદુ, 1 ટીસ્પૂન જીરું, ચપટી હિંગ, 1 ટીસ્પૂન હળદર, 1 ટીસ્પૂન લાલ મરચું પાવડર, 1 ચમચી ધાણાજીરૂ, મીઠુ સ્વાદપ્રમાણ, 3 ચમચી ઘી, બારીક સમારેલી કોથમીર અને લીંબુના રસની મદદથી તમે બટર ખીચડી બનાવી શકો છો.

• ટેસ્ટી બટર ખીચડી બનાવવાની રીત

ટેસ્ટી બટર ખીચડી બનાવવા માટે સૌથી પહેલા તમારે મગની દાળ અને ચોખા બંનેને બે થી ત્રણ વાર સાફ પાણીથી સારી રીતે ધોઈ લેવાના છે. ત્યાર બાદ આ બંને વસ્તુઓને થોડી વાર પાણીમાં પલાળી રાખો. હવે કૂકરમાં પલાળેલી દાળ અને ચોખા મૂકો. આ પછી કુકરમાં હળદર, લાલ મરચું પાવડર, ગરમ મસાલો અને અન્ય મસાલા નાખો. તેમાં પાણીનું પ્રમાણ થોડું વધારે હોવું જોઈએ. કુકરમાંથી ત્રણ-ચાર સીટી આવે એટલે એક પેનમાં ઘી ગરમ કરો. તેમાં જીરું અને હિંગ ઉમેરો. જીરું બરાબર તતડે એટલે તેમાં લીલાં મરચાં અને છીણેલું આદુ ઉમેરો. જો તમે ઈચ્છો તો તેમાં બારીક સમારેલી ડુંગળી અથવા ટામેટાં પણ ઉમેરી શકો છો.

હવે આ ખીચડીને એક બાઉલમાં કાઢીને તેમાં બારીક સમારેલી કોથમીર અને લીંબુનો રસ ઉમેરીને સર્વ કરો. જો તમે તમારી ખીચડીને વધુ સ્વાદિષ્ટ બનાવવા માંગો છો, તો તમે તમારી પસંદગી મુજબ કેટલાક શાકભાજી ઉમેરી શકો છો. જો તમને દહીં ગમે છે તો તમે ખીચડી સાથે દહીં પણ સર્વ કરી શકો છો. જો તમે આ ખીચડીનો સ્વાદ વધારવા માંગતા હોવ તો તમે ઉપર ઘી કે માખણ પણ ઉમેરી શકો છો. તેનાથી તમારી ખીચડી વધુ સ્વાદિષ્ટ લાગશે.