ઘણા લોકો તેમની બાઇકની સર્વિસ યોગ્ય સમયે કરાવતા નથી. આવી સ્થિતિમાં, બાઇકનું પરફોર્મન્સ ઘટવા લાગે છે અને મોટરસાઇકલ જલ્દી કબાડ બની જાય છે. જોકે, કેટલીક બાબતોને ધ્યાનમાં રાખીને બાઇકને જાતે સર્વિસ કરી શકાય છે.
બોડીનું ધ્યાન રાખો
મોટરસાઇકની બોડીને સારી સ્થિતિમાં રાખવા માટે, તેને નિયમિતપણે સાફ કરવું જરૂરી છે. ઘણીવાર બાઇક પર ધૂળ અને ગંદકી જામી જાય છે અને કેટલીકવાર સ્ક્રેચ પણ થાય છે. આવી સ્થિતિમાં, બાઇકને ઘરે જ પોલિશ કરીને નવી જેવી બનાવી શકાય છે.
બેટરી
હેડલેમ્પ અને ટેલ લેમ્પ વગેરે જેવા ઇલેક્ટ્રિકલ ભાગો માટે બાઇકની બેટરી ખૂબ જ મહત્વપૂર્ણ છે. આવી સ્થિતિમાં, સમયાંતરે બેટરી તપાસો. ટર્મિનલ્સને સાફ રાખો અને જો બેટરીમાં પાણીનું સ્તર નીચે ગયું હોય, તો માત્ર ડિસ્ટિલ્ડ વોટરનો ઉપયોગ કરો.
ટાયર અને બ્રેક્સ
બાઇક બ્રેક્સ ખૂબ જ મહત્વપૂર્ણ છે. બ્રેક પેડ્સ નિયમિતપણે તપાસો, જો તે ઘસાઈ ગઈ છે, તો તેને બદલવું બેસ્ટ છે. બ્રેક પેડને કેટલાક ટૂલ્સની મદદથી ઘરે જ બદલી શકાય છે. મોટરસાયકલના ટાયરની સ્થિતિ સારી હોવી જોઈએ. ટાયરનું પ્રેશર તપાસો અને ટાયરનું હવાનું પ્રેશર ઓછું હોય તો તેને ટોપ અપ કરો. તમે નજીકના પેટ્રોલ પંપ પર જઈને ટાયરનું પ્રેશર ચેક કરી શકો છો.
ચેનની સાફઈ અને લુબ્રિકેટ
બાઇકની ચેઇનમાં ઘણી વખત ગંદકી એકઠી થાય છે. આવી સ્થિતિમાં, બાઇકની ચેઇન સાફ કરો અને તેને લુબ્રિકેટ કરો. આ માટે જૂના બ્રશ અને લુબ્રિકન્ટ ક્લિનરની જરૂર પડશે.
એર ફિલ્ટર
મોટરસાઇકલનું એર ફિલ્ટર એન્જિનને સ્વચ્છ હવા પહોંચાડવાનું કામ કરે છે. જો તેમાં ગંદકી જામી જાય તો એન્જિનની ક્ષમતા ઘટી જાય છે. આવી સ્થિતિમાં, જ્યારે તે ગંદુ થઈ જાય ત્યારે તેને બદલવું જોઈએ. એર ફિલ્ટરને ઘરે સરળતાથી બદલી શકાય છે.
