માઈક્રોસોફ્ટના ભૂતપૂર્વ સીઈઓ અને બિલ એન્ડ મેલિન્ડા ગેટ્સ ફાઉન્ડેશનના સહ-અધ્યક્ષ બિલ ગેટ્સે બુધવારે નવી દિલ્હીમાં પ્રધાનમંત્રી નરેન્દ્ર મોદીને મળ્યા. બિલ ગેટ્સે કહ્યું કે તેમણે ભારતના વિકાસ 2047 સુધીમાં વિકસિત ભારતના માર્ગ અને આરોગ્ય, કૃષિ, કૃત્રિમ બુદ્ધિ અને અન્ય ક્ષેત્રોમાં રોમાંચક પ્રગતિ વિશે પ્રધાનમંત્રી મોદી સાથે ખૂબ જ સારી ચર્ચા કરી.
પ્રધાનમંત્રી મોદીએ કહ્યું કે તેમણે બિલ ગેટ્સ સાથે ભવિષ્યની પેઢીઓ માટે વધુ સારા ભવિષ્યના નિર્માણ માટે ટેકનોલોજી, નવીનતા અને ટકાઉપણું સહિતના વિવિધ મુદ્દાઓ પર ચર્ચા કરી. પ્રધાનમંત્રી મોદીએ બુધવારે બિલ ગેટ્સની પોસ્ટનો જવાબ આપતા લખ્યું, “હંમેશાની જેમ, બિલ ગેટ્સ સાથે એક અદ્ભુત મુલાકાત થઈ. અમે આવનારી પેઢીઓ માટે વધુ સારા ભવિષ્યના નિર્માણ માટે ટેકનોલોજી, નવીનતા અને ટકાઉપણું સહિતના વિવિધ મુદ્દાઓ પર ચર્ચા કરી.”
અગાઉ, બિલ ગેટ્સે X પર પ્રધાનમંત્રી મોદી સાથેની તેમની મુલાકાતનો ફોટો શેર કર્યો હતો અને લખ્યું હતું કે, “ભારતના વિકાસ 2047 સુધીમાં વિકસિત ભારત તરફના માર્ગ અને આરોગ્ય, કૃષિ, AI અને અન્ય ક્ષેત્રોમાં આજે પ્રભાવ પાડી રહેલા ઉત્તેજક વિકાસ વિશે મારી પ્રધાનમંત્રી નરેન્દ્ર મોદી સાથે ખૂબ સારી ચર્ચા થઈ હતી. ભારતમાં નવીનતા સ્થાનિક અને વૈશ્વિક સ્તરે કેવી રીતે પ્રગતિ કરી રહી છે તે જોવું પ્રભાવશાળી છે.”
