અમદાવાદના ધૈર્ય પરમારએ ટોચના ક્રમના અને પોતાના શહેરના ચિત્રાક્ષ ભટ્ટને 4-2 થી હરાવીને દીનદયાળ પોર્ટ ઓથોરિટી 2જી ગુજરાત સ્ટેટ રેન્કિંગ ટેબલ ટેનિસ ટૂર્નામેન્ટ 2025માં પુરુષોના ખિતાબ જીત્યો છે.મહિલાઓની ફાઇનલમાં, અમદાવાદની ઔઇશિકી જોઅરદારે ગાંધીનગરની રાધાપ્રિયા ગોયલને ૪-૧થી હરાવીને આ સીઝનનો પોતાનુ પહેલુ ટાઈટલ જીતી લીધુ હતો.અંડર-19 બોયસની ફાઇનલમાં ભાવનગરના ધ્યેય જાની અને અરાવલ્લીના જન્મેજય પટેલ વચ્ચે રસાકસી ભરી મેચ થઇ હતી.
અંતે ધ્યેય જાની 4-3 થી જીત મેળવીને અંડર-19નો ખિતાબ જીતી લીધો હતો.બીજી બાજુ અંડર-17 બોયસની ફાઇનલમાં અમદાવાદના બે બિનક્રમાંકિત ખેલાડીઓ વચ્ચે મુકાબલો થયો હતો, જેમાં અભિલક્ષ પટેલે માલવ પંચાલને 3-1થી હરાવી ટાઇટલ પોતાના નામે કર્યો હતો.
