વડોદરા, 24 મે, 2026 : One killed in accident between rickshaw and truck જિલ્લાના સાવલી-મુવાલ રોડ પર આવેલા બેઠક મંદિર પાસે રિક્ષા અને હાઇવા ટ્રક વચ્ચે અકસ્માત સર્જાતા રિક્ષામાં સવાર એક વ્યક્તિનું ઘટનાસ્થળે જ મોત નીપજ્યું છે, જ્યારે ત્રણ અન્ય વ્યક્તિઓ ગંભીર રીતે ઇજાગ્રસ્ત થતા તાત્કાલિક સારવાર અર્થે હોસ્પિટલમાં ખસેડવામાં આવ્યા છે. આ અકસ્માતને લીધે આજુબાજુના સ્થાનિક લોકો દોડી આવ્યા હતા, પોલીસ અને 108 એમ્બ્યુલન્સને જાણ કરી હતી. આ અકસ્માત બાદ ટ્રકનો ડ્રાઇવર ફરાર થઈ ગયો હતો પોલીસે અકસ્માતનો ગુનોં નોંધીને વધુ તપાસ હાથ ધરી છે.
આ અકસ્માતના બનાવની વિગત એવી છે કે, જિલ્લાના સાવલી-મુવાલ રોડ પર આવેલા બેઠક મંદિર પાસે રિક્ષા અને હાઇવા ટ્રક વચ્ચે અકસ્માત સર્જાતા રિક્ષામાં સવાર એક વ્યક્તિનું ઘટનાસ્થળે જ મોત નીપજ્યું છે, જ્યારે ત્રણ અન્ય વ્યક્તિઓ ગંભીર રીતે ઇજાગ્રસ્ત થતા તાત્કાલિક સારવાર અર્થે હોસ્પિટલમાં ખસેડવામાં આવ્યા છે. અકસ્માત એટલો ભયાનક હતો કે રિક્ષાનો કચ્ચરઘાણ વળી ગયો હતો. આ ગંભીર અકસ્માતમાં તાત્કાલિક આસપાસના લોકો દોડી આવ્યા હતા અને ઇજાગ્રસ્તોને તાત્કાલિક સારવાર અર્થે 108 મારફતે હોસ્પિટલમાં ખસેડવામાં આવ્યા હતા.
અકસ્માતના બનાવની જાણ થતા જ સાવલી પોલીસની ટીમે ઘટના સ્થળે પહોંચીને વધુ તપાસ હાથ ધરી છે. અકસ્માતને કારણે સાવલી-મુવાલ રોડ પર ટ્રાફિક જામની સ્થિતિ સર્જાઈ હતી. પોલીસે ટ્રાફિક હળવો કરવા માટે કામગીરી શરૂ કરી હતી અને ટ્રાફિક હળવો કરવામાં આવ્યો હતો. આ મામલે પોલીસે વધુ તપાસ હાથ ધરી અકસ્માત સર્જનાર ચાલકને ઝડપી પાડવા તજવીજ હાથ ધરી છે.
