નબળા વૈશ્વિક સંકેતો વચ્ચે ભારતીય શેર બજારમાં કડાકો, રોકાણકોરોના કરોડો રૂપિયા ધોવાયાં

મુંબઈઃ સોમવારે નબળા વૈશ્વિક સંકેતો વચ્ચે ભારતીય બેન્ચમાર્ક સૂચકાંકો નીચા સ્તરે ખુલ્યા. શરૂઆતના કારોબારમાં આઇટી અને નાણાકીય સેવાઓ ક્ષેત્રોમાં વેચવાલી જોવા મળી હતી. સવારે 9.34 વાગ્યે, સેન્સેક્સ 541.66 પોઈન્ટ ઘટીને 74,769.40 પર ટ્રેડ કરી રહ્યો હતો, જ્યારે નિફ્ટી 158.40 પોઈન્ટ ટકા ઘટીને 22,637.50 પર ટ્રેડ કરી રહ્યો હતો.

નિફ્ટી બેંક 447.55 પોઈન્ટ અથવા 0.91 ટકા ઘટીને 48,533.65 પર ટ્રેડ થઈ રહ્યો હતો. નિફ્ટી મિડકેપ 100 ઇન્ડેક્સ 786.75 પોઈન્ટ અથવા 1.56 ટકા ઘટીને 49,699.45 પર ટ્રેડ થઈ રહ્યો હતો. નિફ્ટી સ્મોલકેપ 100 ઇન્ડેક્સ 273.55 પોઈન્ટ અથવા 1.75 ટકા ઘટીને 15,363.35 પર બંધ રહ્યો હતો. નિષ્ણાતોના મતે, બજાર વિદેશી સંસ્થાકીય રોકાણકારો (FII) દ્વારા સતત વેચવાલી અને યુએસ પ્રમુખ ડોનાલ્ડ ટ્રમ્પના વેપાર ટેરિફ સંબંધિત વૈશ્વિક અનિશ્ચિતતાઓનો સામનો કરી રહ્યું છે.

“નેગેટિવ ઓપનિંગ પછી, નિફ્ટીને 22,700 પર સપોર્ટ મળી શકે છે, તે પહેલાં તેને 22,600 અને 22,500 પર સપોર્ટ મળી શકે છે. ઉપર તરફ, 22,900, ત્યારબાદ 23,000 અને 23,100 તાત્કાલિક પ્રતિકાર હોઈ શકે છે,” નિષ્ણાતોએ જણાવ્યું હતું.

ચોઇસ બ્રોકિંગના હાર્દિક મટાલિયાએ જણાવ્યું હતું કે, ” બેંક નિફ્ટી ચાર્ટ સૂચવે છે કે ઇન્ડેક્સને 48,500 પર ટેકો મળી શકે છે, ત્યારબાદ 48,200 અને 47,900 પર સપોર્ટ મળી શકે છે. જો ઇન્ડેક્સ વધુ ઉપર જશે, તો 49,200 એ પ્રથમ મુખ્ય પ્રતિકાર હશે, ત્યારબાદ 49,500 અને 49,700 આવશે.”