મુંબઈ: ભારતનું વિદેશી અનામત ભંડોળ નોંધપાત્ર રીતે વધ્યું છે. રિઝર્વ બેંક ઓફ ઇન્ડિયા (RBI) દ્વારા જાહેર કરાયેલા તાજેતરના આંકડા મુજબ, ગયા અઠવાડિયા દરમિયાન દેશનું વિદેશી અનામત ભંડોળ લગભગ 4.5 અબજ ડોલર વધીને 702 અબજ ડોલરનો આંકડો વટાવી ગયું છે.
આંકડા મુજબ, સોનાના ભંડોળમાં પણ મજબૂત વધારો નોંધાયો છે. ગયા અઠવાડિયા દરમિયાન સોનાનું અનામત લગભગ 6.2 અબજ ડોલર વધીને 108 અબજ ડોલરથી વધુ થયું છે. આ વૃદ્ધિને કારણે ભારતનું કુલ રિઝર્વ વધુ મજબૂત બન્યું છે અને વૈશ્વિક આર્થિક અસ્થિરતા વચ્ચે ભારતીય અર્થતંત્રને સ્થિરતા મળી રહી છે. જો કે, આ સમયગાળા દરમિયાન વિદેશી ચલણ સંપત્તિમાં થોડી ઘટાડા નોંધાયા છે. આ સંપત્તિ 1.7 અબજ ડોલર ઘટીને 570 અબજ ડોલર થઈ ગઈ છે. રિઝર્વ બેંક મુજબ, ડોલરની સામે અન્ય મુખ્ય ચલણોના વિનિમય દરમાં આવેલા ફેરફારોનો પણ આ પર અસર થઈ છે.
દરમિયાન આંતરરાષ્ટ્રીય નાણાકીય ભંડોળ (IMF)માં ભારતીય રિઝર્વ બેંકનું હોલ્ડિંગ 30 કરોડ ડોલર ઘટીને 4.62 અબજ ડોલર થયું છે. નિષ્ણાતોના મતે, આ નાનો ઘટાડું ટેકનિકલ સમાયોજનના કારણે છે અને કુલ રિઝર્વની સ્થિતિ મજબૂત છે. નિષ્ણાતોના જણાવ્યા મુજબ, વૈશ્વિક અનિશ્ચિતતા, રૂપિયાની સ્થિરતા અને સોના-ચલણમાં સંતુલિત રોકાણને કારણે ભારતના રિઝર્વમાં છેલ્લા કેટલાંક મહિના થી સ્થિર વૃદ્ધિનો પ્રવાહ જોવા મળી રહ્યો છે. આ વૃદ્ધિ ભારતની આર્થિક મજબૂતી અને વિદેશી રોકાણકારોના વિશ્વાસનો સંકેત માનવામાં આવી રહી છે.
