નવી દિલ્હીઃ દિલ્હીના એક કુરિયર સેન્ટરમાંથી ડ્રગ્સનો જથ્થો ઝડપાયા બાદ અંદાજે રૂ. 900 કરોડની કિંમતના જંગી ડ્રગ કન્સાઇનમેન્ટને નીચેથી ઉપર સુધીના અભિગમ દ્વારા ટ્રેક કરવામાં આવ્યું હતું. દરમિયાન કેન્દ્રીય ગૃહમંત્રી અને સહકારિતા મંત્રી અમિત શાહે જણાવ્યું હતું કે, નશીલા દ્રવ્યોના રેકેટ સામે મોદી સરકારની શોધ નિર્દયતાથી ચાલુ રહેશે.
કેન્દ્રીય ગૃહમંત્રીએ ‘એક્સ’ પર પોતાની પોસ્ટમાં કહ્યું હતું કે, એક જ દિવસમાં ગેરકાયદેસર ડ્રગ્સ સામે બેક ટુ બેક મોટી સફળતાઓ મોદી સરકારના ડ્રગ મુક્ત ભારતના નિર્માણના અતૂટ સંકલ્પને દર્શાવે છે. નાર્કોટિક્સ કંટ્રોલ બ્યૂરો (એનસીબી)એ નવી દિલ્હીમાં 82.53 કિલો હાઈ ગ્રેડ કોકેઈન જપ્ત કર્યું છે. દિલ્હીના એક કુરિયર સેન્ટરમાં ડ્રગ્સનો જથ્થો પકડાયા બાદ બોટમ ટુ ટોપ એપ્રોચ દ્વારા અંદાજે 900 કરોડ રૂપિયાના જંગી ડ્રગ કન્સાઇન્મેન્ટને શોધી કાઢવામાં આવ્યું હતું. ડ્રગના રેકેટ સામે અમારી શોધ નિર્દયતાથી ચાલુ રહેશે. આ મોટી સફળતા બદલ એનસીબીને અભિનંદન.
ભારતમાં અને ખાસ કરીને દિલ્હી એનસીઆર રિજનમાં કાર્યરત ડ્રગ્સની તસ્કરી કરતી સિન્ડિકેટ્સ સામે એક મોટી સફળતામાં, નાર્કોટિક્સ કંટ્રોલ બ્યુરોએ દિલ્હીમાં કોકેઇનનો સૌથી મોટો જથ્થો મળી આવ્યો હતો. આ જપ્તી ટીમ એનસીબી દ્વારા માર્ચ 2024 અને ઓગસ્ટ, 2024માં અગાઉની જપ્તી દરમિયાન વિકસિત લીડ્સ પર કરવામાં આવેલા નક્કર પ્રયત્નોનું પરિણામ હતું.
આ કેસોમાં પેદા થયેલી લીડ્સ પર કામ કર્યા પછી, અને તકનીકી અને માનવ ગુપ્ત માહિતી દ્વારા, એનસીબી આખરે પ્રતિબંધના સ્ત્રોત સુધી પહોંચવામાં સફળ રહી હતી અને દિલ્હીના જનકપુરી અને નાંગલોઇ વિસ્તારમાંથી 82.53 કિલો હાઇ ગ્રેડ કોકેઇન મળી આવ્યું હતું.
