દરિયાઈ હિતોના રક્ષણમાં આઈસીજી દ્વારા ભજવવામાં આવતી ભૂમિકા મહત્વપૂર્ણ છે: રાજનાથ સિંહ
નવી દિલ્હીઃ સંરક્ષણ મંત્રી રાજનાથ સિંહે મંગળવારે પ્રગતિ મેદાનમાં ભારત મંડપમ ખાતે ભારતીય કોસ્ટ ગાર્ડ (આઈસીજી) ના કર્મચારીઓને, પડકારજનક અને આત્યંતિક પરિસ્થિતિઓમાં, બહાદુરી, વિશિષ્ટ સેવા અને પ્રશંસનીય સેવા મેડલ એનાયત કર્યા. સમારોહ પહેલા, સંરક્ષણ મંત્રીએ સેરેમોનીયલ ગાર્ડનું નિરીક્ષણ કર્યું.
સરક્ષણ મંત્રીએ આઈસીજી કર્મચારીઓને તેમની અનુકરણીય સેવા, બહાદુરીના કાર્યો અને ફરજ પ્રત્યે નિઃસ્વાર્થ સમર્પણ બદલ રાષ્ટ્રપતિ તટરક્ષક ચંદ્રક (પીટીએમ) અને તટરક્ષક ચંદ્રક (ટીએમ) અર્પણ કર્યા. સમારોહમાં કુલ 32 પુરસ્કારો રજૂ કરવામાં આવ્યા હતા, જેમાં વિશિષ્ટ સેવા માટે 06 પેટીએમ, શૌર્ય માટે 11 ટીએમ અને પ્રશંસનીય સેવા માટે 15 ટીએમનો સમાવેશ થાય છે. આ પુરસ્કારો આઈસીજી કર્મચારીઓની અદમ્ય હિંમત, બહાદુરી અને પ્રતિબદ્ધતાનો પુરાવો છે જેમનું યોગદાન ભારતની વિશાળ દરિયાઈ સરહદોની સલામતી અને સુરક્ષામાં મહત્વપૂર્ણ રહ્યું છે.
આઈસીજી કમાન્ડર અમિત ઉનિયાલે જણાવ્યું હતું કે, આ પ્રતિષ્ઠિત મેડલ એનાયત કરવાથી માત્ર પુરસ્કાર વિજેતાઓની વ્યક્તિગત બહાદુરીની ઓળખ જ નથી મળતી પરંતુ સમગ્ર ભારતીય કોસ્ટ ગાર્ડ માટે મનોબળ વધારનાર પણ છે. આ દેશના દરિયાઈ હિતોના રક્ષણમાં આઈસીજી દ્વારા ભજવવામાં આવતી મહત્વપૂર્ણ ભૂમિકાને પ્રકાશિત કરે છે. બહાદુર પુરુષો અને મહિલાઓનું સન્માન તેમને દરિયાઈ સલામતી સુનિશ્ચિત કરવામાં, ખાસ કરીને દરિયામાં સતત વિકસતા પડકારો વચ્ચે, શ્રેષ્ઠતાના તેમના મિશનને ચાલુ રાખવા માટે પ્રેરણા આપશે.
સમાપન સમારોહમાં, આઈસીજી પરંપરાઓને ધ્યાનમાં રાખીને, સરક્ષણ મંત્રી અને ભારતીય કોસ્ટ ગાર્ડના ડિરેક્ટર જનરલે પુરસ્કાર વિજેતાઓના પરિવારો સાથે વાતચીત કરી. આ મહત્વપૂર્ણ કાર્યક્રમે માત્ર અનુકરણીય વ્યક્તિઓનું સન્માન જ નહીં કર્યું, પરંતુ રાષ્ટ્રના દરિયાઈ હિતોનું રક્ષણ કરવાના અવિરત પ્રયાસમાં ભારતીય કોસ્ટ ગાર્ડના ગૌરવ અને સમર્પણને પણ મજબૂત બનાવ્યું. આઈસીજી ના 18મા ભારતીય કોસ્ટ ગાર્ડ પદવીદાન સમારોહમાં સંરક્ષણ રાજ્ય મંત્રી સંજય સેઠ, સંરક્ષણ સચિવ રાજેશ કુમાર સિંહ, ભારતીય કોસ્ટ ગાર્ડના મહાનિર્દેશક પરમેશ શિવમણિ સહિત વરિષ્ઠ સરકારી અધિકારીઓ, આઈસીજી ના વરિષ્ઠ અધિકારીઓ અને પુરસ્કાર વિજેતાઓના પરિવારના સભ્યો હાજર રહ્યા હતા.
